កម្មវិធីអាហារូបករណ៍អភិវឌ្ឍវិញ្ញត្តិវប្បធម៌
អ្នកទទួលអាហារូបករណ៍អភិវឌ្ឍវិញ្ញត្តិវប្បធម៌ ឆ្នាំ ២០២២
សាង សុខសេរី ជាអ្នកចម្រៀងរ៉ែប អ្នកនិពន្ធទំនុកច្រៀង និងអ្នកបង្កើតមាតិកា។ នាងជាសិល្បករប្រចាំផលិតកម្ម ២០៨ និងជាអ្នកផលិតបទភ្លេងដើមនៅផលិតកម្ម «ភ្លេង» នៅក្រុមហ៊ុន Smart។ នាងជាអតីតសិស្សនៅ TinyToones ដែលនាងបានទទួលឥទ្ធិពលពីសិល្បករ ទាំងក្នុងស្រុក និងអន្តរជាតិ។ នាងបានសរសេរបទភ្លេង និងចម្រៀងឱ្យអង្គការក្រៅរដ្ឋាភិបាលជាច្រើន ជាពិសេសទាក់ទងនឹងសិទ្ធិស្រ្តី សុវត្ថិភាពក្នុងទីក្រុងជាដើម។ សព្វថ្ងៃ សេរីជាបណ្តាញការងារមួយនៃអង្គការ Mekong Cultural Hub ដែលជាវេទិកាមួយ ដែលសេរីអាចផ្សារភ្ជាប់ទំនាក់ទំនង រវាងសិល្បករកម្ពុជា និងសិល្បករក្នុងតំបន់មេគង្គ។
ស៊ន សុខឃៀង ជាអ្នកសារព័ត៌មាន និងជាផលិតករវីដេអូ មានបទពិសោធន៍ជាង ៨ឆ្នាំ ក្នុងការផលិតវីដេអូឯកសារ បទយកការណ៍ពីជីវិត អាជីព និងអាជីវកម្ម ក្នុងស្រុក។ បេសសកម្មរបស់នាងបច្ចប្បន្ន គឺស្វែងរកតួអង្គលេចធ្លោក្នុងស្រុក ដើម្បី សរសេរ ចងក្រង សំភាសន៍ និងផលិតជា វីដេអូឯកសារអំពី ការចាប់ផ្តើមអាជីវកម្ម ធុរកិច្ច បទពិសោធន៍ ការតស៊ូ ក្នុងការ គ្រប់គ្រងអាជីវកម្ម និងហិរញ្ញវត្ថុ ការបង្កើត ម៉ាកសញ្ញាខ្មែរ សម្រាប់ប្រកួតក្នុង ធុរកិច្ចជាតិ និងអន្តរជាតិជាដើម។ នាង ជឿជាក់ថា វីដេអូទាំងនោះជាអនុស្សាវរីយ៍ យ៉ាងស្ថិតស្ថេរ ហើយការជួយផ្សព្វផ្សាយ ពីបុគ្គលទាំងនោះជាមធ្យោបាយលើក ទឹកចិត្ត ឬផ្តល់គំរូភាពដល់យុវជន និង ស្រ្តីំជំនាន់ក្រោយផងដែរ។
អៀម ទិត្យសីហា គឺជាអ្នកនិពន្ធ និងដឹកនាំរឿងម្នាក់។ គាត់ជាមនុស្សមានការ ស្រមើស្រមៃច្រើន។ ជាសិល្បករម្នាក់ គាត់មានគោលបំណងចង់បង្ហាញ និងធ្វើឲ្យការស្រមើស្រមៃទាំងនេះទទួលបានការគាំទ្រពីសាធារណជន។ គាត់កំពុងព្យាយាមសិក្សាពីចំណេះដឹង ផ្សេងៗដូចជា សង្គមវិទ្យា ប្រវត្តិសាស្ត្រ វិទ្យាសាស្ត្រ ចិត្តសាស្ត្រ ព្រមទាំង នយោបាយផងដែរ។ គាត់ក៏ព្យាយាម ឈ្វេងយល់បន្ថែម ពីទម្រង់បែបបទ និងវិធីសាស្ត្រផ្សេងៗ ដែលអាចធ្វើឲ្យ ការសរសេរ និងការដឹកនាំសម្តែងមួយ កាន់តែប្រសើរឡើង។ គាត់មានជំនឿ ចិត្តថាថ្ងៃណាមួយ សាធារណជន ទោះបីជាមានស្ថានភាពសង្គម វប្បធម៌ ខុសៗគ្នា ក៏អាចយល់ និងពេញចិត្តស្នាដៃសិល្បៈរបស់គាត់ទាំងអស់គ្នា។
ឡាច រតនា មកពីខេត្តបាត់ដំបង និង នាងចូលចិត្តអានសៀវភៅតាំងពីក្មេង។ បន្ទាប់ពីចប់វិទ្យាល័យ នាងបានបន្តការសិក្សានៅភ្នំពេញនៅដេប៉ាតឺម៉ង់ភាសាបារាំង ផ្នែកសារព័ត៌មាន និងភាសាបារាំង។ ក្រោយពីទទួលបានបរិញ្ញាបត្រ នាងចូលប្រឡូកក្នុងវិស័យសារព័ត៌មានរហូតដល់ឆ្នាំ ២០០៦ មុននឹងចាប់អាជីពជាអ្នកបកប្រែភាពយន្ត ឯកសារ បន្ទាប់មកជាអ្នកវិភាគឯកសារ នៅមជ្ឈមណ្ឌលបុប្ផាណា ក្នុងឆ្នាំ២០០៦។ បច្ចុប្បន្នរតនាជាអ្នកបកប្រែ សរសេរ និងអ្នកបោះពុម្ពផ្សាយនៅអង្គការស៊ីប៉ា។
រី មន្នីសុវណ្ណយ៉ា (ហ្វីយ៉ា) គឺជាសិល្បករ ឯករាជ្យ និងជាអ្នករចនាម៉ូត ដែលមាន កំណើតមកពីខេត្តបាត់ដំបង។ ភាគច្រើន ស្នាដៃរបស់នាងគឺការសម្តែង តាមដងផ្លូវ និងគំនូរដែលឆ្លុះបញ្ចាំង ពីតថភាពសង្គម ទូទៅ ទំនោរក្នុងការបញ្ជ្រាបចំណេះដឹង និងចូលរួមផ្លាស់ប្តូរផ្នត់គំនិតអវិជ្ជមាន ឱ្យមានភាពប្រសើរឡើង ជាពិសេសដើម្បី សមភាពយេនឌ័រ។ បច្ចុប្បន្ននាងជា ស្ថាបនិក និងជាអ្នកដឹកនាំគម្រោងសិល្បៈ និងសុខភាពផ្លូវចិត្ត ដោយប្រើប្រាស់ សិល្បៈជាមធ្យោបាយក្នុងការផ្សព្វផ្សាយ សុខភាពផ្លូវចិត្ត ដោយរួមបញ្ចូលនឹងការ ផ្តល់សិទ្ធិអំណាចដល់ស្រ្តី និងផ្តល់ឱកាស ឱ្យយុវជនបានបញ្ចេញសមត្ថភាព និង សំឡេងរបស់ពួកគេផងដែរ។ សិល្បៈ និងសុខភាពផ្លូវចិត្តត្រូវបានគាំទ្រដោយ រដ្ឋាភិបាល និងអង្គការ ក្រៅរដ្ឋាភិបាល ព្រមទាំងស្ថាប័នឯកជន។
ម៉ម សែនលាភា ជាប្រធានរដ្ឋបាល និងបុគ្គលិកធនធានមនុស្សដែល មានបទពិសោធន៍លើសពី១០ឆ្នាំ និងបានបំពេញការងារនៅសហគ្រាស សង្គមហ្វារ ឬ ល្ខោនសៀកកម្ពុជាហ្វារ តាំងពីឆ្នាំ២០១៥។ លាភា ស្រលាញ់ការងារទាក់ទងនឹងបុព្វហេតុសង្គម។ លាភា ប្រើសកម្មភាពបង្ហាញសក្តានុពលរបស់ខ្លួន ហើយរីករាយនឹងការសាកល្បងអ្វីដែលថ្មី។ ក្នុងឆ្នាំ ២០១៩ លាភាជាសហស្ថាបនិក និងជា សកម្មជនក្នុងកិច្ចការរៀបចំ មូលនិធិដើម្បី កុមារនៅសាលាហ្វារពន្លឺសិល្បៈ និង បរិស្ថាន “ Green & Grow” ដោយមាន រៀបចំព្រឹត្តិការណ៍សិល្បៈ សៀក ល្ខោន គំនូរជីវចល និងតន្ត្រី និងការផ្សព្វផ្សាយចំណេះដឹងអំពីផលប៉ះពាល់នៃការ ប្រើប្រាស់ផ្លាស្ទិក។
ម៉ៅ កក្កដា ជាមន្រ្តីនៃនាយកដ្ឋានរដ្ឋបាល និងហិរញ្ញវត្ថុនៃអាជា្ញធរជាតិសំបូរព្រៃគុក ទទួលបន្ទុកការងារបុគ្គលិករដ្ឋបាល និង គ្រប់គ្រងបញ្ជីសារពើភណ្ឌ។ នៅឆ្នាំ២០១៥ នាងបានបញ្ចប់ថ្នាក់បរិញ្ញាបត្រផ្នែកបុរាណ វិទ្យា ពីសាកលវិទ្យាល័យភូមិន្ទវិចិត្រ សិល្បៈ។ ក្រោយពីបានបញ្ចប់ការសិក្សា នៅអំឡុងឆ្នាំ២០១៦-២០១៩ នាងបានចូលបម្រើការងារនៅក្រសួងវប្បធម៌ និងវិចិត្រសិល្បៈ នៅអគ្គនាយកដ្ឋានបច្ចេកទេសវប្បធម៌ ដោយទទួលខុសត្រូវការងារអភិរក្ស ការលើកស្ទួយមត៌ក វប្បធម៌អរូបី និងជាអ្នកទទួលបន្ទុកការងារ មត៌កមនុស្សរស់។ នាងបានរៀបចំបញ្ជី សារពើភណ្ឌ មរតកវប្បធម៌អរូបី ការធ្វើឱ្យ រស់ឡើងវិញ នូវទម្រង់វប្បធម៌អរូបី ដែលប្រឈមនឹងការបាត់បង់ កម្មវិធី មហោស្រព សិក្ខាសាលា នឹងទំនាក់ទំនងផ្ទាល់ជាមួយព្រឹទ្ធាចារ្យមត៌កមនុស្សរស់ និងសិល្បករតាមបណ្ដាសហគមន៍។
យ៉ា រដ្ធា ធ្វើការងារនៅសហគ្រាសសង្គមហ្វារ ប្រធានផ្នែកផលិតកម្ម។ រដ្ធាបាន ចាប់ផ្តើមការងារនៅសហគ្រាសសង្គមហ្វារ តាំងពីឆ្នាំ២០១៣ ដោយបានបង្កើន និង ផ្លាស់ចំណេះដឹង និងជំនាញពីផ្នែក សាវាកម្ម ទៅផ្នែកសម្របសម្រួល និង ក្លាយជាអ្នកលក់ផលិតកម្ម។ រដ្ធាបាន ដឹកនាំការសម្តែងនៅក្នុង និងក្រៅប្រទេស ជាច្រើនតាមរយៈក្រុមសៀកហ្វារ។ រដ្ធាជា មនុស្សសំខាន់ម្នាក់នៅក្នុងការរៀបចំផ្សព្វផ្សាយសិល្បៈអន្តរជាតិ និងមិត្តភាព នៅក្នុងប្រទេសកម្ពុជាសម្រាប់មហោស្រព “ទីនេះ ទីនោះ “។ ស្នាដៃដែលរដ្ធាមាន មោទនភាពបំផុតនៅសហគ្រាស សង្គមហ្វារ គឺឱកាសក្នុងការអភិវឌ្ឍន៍ សមត្ថភាពអាជីពរបស់គាត់។
